davam.az - BÜTÖV AZƏRBAYCAN ADINA! > Çap səhifəsi > Qərbi Azərbaycanda avtobuslarda gediş haqqı 18 faiz artır

İran adlanan ölkədə bahalıq bütün sahələri bürüməkdədir. Qiymətlərin artması prosesi əhali arasında işsizliyin ən yüksək səviyyədə olduğu bir vaxtda təsadüf edir. Son məlumata görə, Qərbi Azərbaycan vilayətinin mərkəzi Urmiyə şəhərində avtobuslarda gediş haqqı artırılır.
Bu barədə məlumat verən Urmiyə Şəhər Şurasının üzvü bildirib ki, yanacağın qiyməti artdığına görə gələcək günlərdə avtobus və taksilərdə gediş haqqı 18 faiz artacaq.

Məhəmməd Sattarpur əlavə edib ki, bu barədə təklif olunub ki, əhalini elektron kartdan istifadə etməyə təşviq etmək məqsədi ilə nəğd ödənişlə kartla ödənişin arasında 30 faizə qədər fərq olsun.

Şəhər Şurasının digər üzvü Rəsul Əsğərzadə isə bildirib ki, hazırda ancaq 50 faiz əhali elektron kartdan istifadə edir, onları kartla ödənişə təşviq etmək lazımdır. Ona görə ki, belə olan halda sürücü ilə sərnişinlər arasında mübahisə azalacaq.