davam.az - BÜTÖV AZƏRBAYCAN ADINA! > Siyasi partiyalar > "Elçibəy məktəbi" "Yerli xalqların assimilyasiyasında Çin modeli"
"Elçibəy məktəbi" "Yerli xalqların assimilyasiyasında Çin modeli" |
|
Vüqar Öməroğlu: “Ana bətnindən uşağın çıxarılaraq qızardılıb yeyilməsi Çində adi hala çevrilib”
MDHP Gənclər Təşkilatı "Yerli xalqların assimilyasiyasında Çin modeli" tədbiri keçirib Milli Dirçəliş Hərəkatı Partiyası Gənclər Təşkilatı "Yerli xalqların assimilyasiyasında Çin modeli" adlı tədbir keçirib. Müstəqil ekspert Vüqar Öməroğlunun qonaq olduğu tədbirdə Çinin yerli xalqlara, xüsusilə, uyğur türklərinə qarşı proqramlı şəkildə yürütdüyü və dünyada rast gəlinməyən mənəvi terror vasitələrinin mahiyyəti açıqlanıb. Tədbiri açıq elan edən partiyanın Gənclər Təşkilatının sədri Seymur Həsənli Çin dövlətinin uyğur türklərinə qarşı yürütdüyü siyasətin mahiyyətinin ictimaiyyətə açıqlanmalı olduğunu qeyd edib. O həmçinin Çinin 2050-ci il proqramının da (Avrasiyanın Çinliləşdirilməsi) hər kəs üçün önəmli olduğunu bildirərək sözü tədbirin qonağı Vüqar Öməroğluna verib. “Çin deyəndə hamımızın gözünə böyük bir əjadaha gəlir. Çünki Çin böyük bir dövlətdir. Buna baxmayaraq biz düşünməməliyik ki, Çin böyükdürsə o hər şey edə bilər. O böyüklüyüyün özündə elə çatlar var ki, Çinin parçalanması üçün partlayacaq bomba rolunu oynayır. Bunlardan biri də Çinin daim digər dövlətlərin qarşısında malalamağa çalışdığı Şərqi Türküstan məsələsidir. Biz soyqırım deyəndə Xocalı, Quba soyqırımlarını düşünürük. Amma bu gün bizim ana vətənimiz Şərqi Türküstanda elə bir soyqırım həyata keçirilir ki, bunu sadəcə ağıla gətirmək mümkünsüzdür. Ana bətnindən uşağın çıxarılaraq qızardılıb yeyilməsini bu gün kimsə ağlının ucundan belə keçirə bilməz. Amma bütün bunlar Çində uyğur və ya digər türklərə qarşı baş verir. Uyğur, qazax, qırğız türkləri, şamanizmə sitayiş edən sarı uyğurlar assimilyasiyaya deyil, birbaşa milli soyqırıma məruz qalırlar.” – deyə Vüqar Öməroğlu bildirib. “Çinin rəsmi mənbələri öz ərazisində 8 milyon uyğurun yaşadığını qeyd edir. Bu rəqəm heç 1944-cü ildə belə deyildi. Həmin ilin statistikasında 12 milyon uyğur göstərilmişdi. Məktəblərdə uyğur dilinin dərs saatları hər il azalmaqda davam edir. Ən əsas məqam isə hökumət tərəfindən həyat yoldaşı uyğur olmayanın qarşısında yaşıl işığın yandırılmasıdır. Məsələn, Çin qızı ilə evlənən uyğur hökumət tərəfindən geri qaytarılmamaq şərti ilə bir milyon yuan məbləğində pulla təmin olunur. Beləliklə, yaxşı yaşamaq uğrunda mübarizə uyğurların Çinlilər içərisində əriməsinə gətirib çıxardır. Mövcud siyasət əslində rusun modelidir. Sovet dövründə Azərbaycanda yaxşı vəzifəyə təyin olunmaq istəyən ən azı rus dilini bilməli idi. Həyat yoldaşı rus olurdusa onun üçün bütün işıqlar yandırılırdı.” – deyə vurğulayıb. “Çinlilərdə bir prinsip var: “Ən yaxşı türk, ölü türkdür”. İstənilən bir çinli on uyğuru balta ilə öldürsə ona polis idarəsində bir kağız verəcəklər ki, “bu adam psixi xəstədir” – həmin adam da sərbəst şəkildə evinə çıxıb gedəcək. Bu gün siz Çin səfirliyinə müraciət etsəz ki, biznes məqsədilə səfərə getmək istəyirsiz, heç bir sorğu-sual olmadan viza alacaqsız. Yox əgər folklor nümunələri toplamağı qeyd etsəz, qarşınızda Çin səddini görəcəksiz.” – deyə bildirib. Türk dövlətlərinin Çindəki türklərə münasibətinə toxunan Vüqar Öməroğlu bildirib ki, “Bayrağı olan Türk dövlətlərindən yalnız Qazaxıstan Prezidenti Nursultan Nazarbayev Çinə, qazax türklərinin torpaqlarına səfər etmişdir. Baxmayaraq ki, Çin hökuməti “ora terrorçu torpaqdır” deyib Nazarbayevin təhlükəsizliyinə zəmanət verməmişdir.” Sonda Vüqar Öməroğlu, Çinin uyğur türkləri ilə bağlı "narkotika siyasəti"nin mahiyyətini də iştirakçıların diqqətinə çatdırıb və beləliklə tədbir yekunlaşıb. Aysel ARAZ Geri dön |