davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Kərəcdə, Şirazda və Ərdəbildə daha 7 nəfər edam edilib
Kərəcdə, Şirazda və Ərdəbildə daha 7 nəfər edam edilib |
|
İranın Kərəc, Şiraz və Ərdəbil şəhərlərində narkotik maddələrin satışında və qaçaqmalçılığında, eləcə də cinsi təcavüzdə günahlandırılan daha 7 nəfər edam edilib.
İyunun 10-u sübh saatlarında Kərəcin Qızılhasar zindanında narkotik maddələrin qaçaqmalçılığında təqsirli bilinən 5 nəfər dar ağacından asılıb. Edam edilənlərdən birinin adı Rza Kargərdir. Rza Kargərin ailəsi jurnalistlərə açıqlamasında ölüm hökmünün icrasından danışıb: “Bizə zəng vurub meyiti təhvil almağa zindana gəlməyimizi istədilər. Rza 700 qramlıq narkotik maddəsinə görə edam edildi. Halbuki həmin miqdar narkotiki də birbaşa onun özündən tutmamışdılar. Ona ölüm hökmünün çıxarılmasına qədər üç il çəkdi və o həmin müddətdə həbsdə saxlanılırdı. Biz demirik cəzalandırmasınlar. Lakin müttəhimlərin işinə düzgün baxılmasını tələb edirik. İşə düzgün və ədalətli baxılsaydı bu gün Rzanın 9 və 15 yaşında olan iki qızı atasız qalmazdı”. İyunun 10-da həmçinin İranın Ərdəbil zindanında narkotik qaçaqmalçılığında təqsirli bilinən bir nəfər dar ağacından asılıb. Edam edilənin kimliyi açıqlanmayıb. Həmin gün isə Şiraz şəhərində cinsi təcavüzdə günahlandırılan 53 yaşlı bir məhbus ictimaiyyət qarşısında edam edilib. Dar ağacından asılanın kimliyi açıqlanmayıb. Qeyd edək ki, son aylarda İranda edamların sayının kəskin artması beynəlxalq hüquq təşkilatlarının ciddi narahatlığına səbəb olub. Geri dön |