davam.az - BÜTÖV AZƏRBAYCAN ADINA! > Xəbərlər > Güclü yağış Bakıda və respublikanın rayonlarında ciddi fəsadlar törədib
Güclü yağış Bakıda və respublikanın rayonlarında ciddi fəsadlar törədib |
|
Sürücülərə xəbərdarlıq edilib
Bu gün səhərdən paytaxta güclü yağış yağmağa başlayıb. Şəhərin mərkəzi küçələrində gediş-gəliş çətinləşib. Yağış yollarda gölməçələr yaratdığından avtomobillərin hərəkətində böyük əngəllər törənib. Güclü yağış bir sıra bölgələrdə də çətinliklər yaradıb. İctimai Teleradionun bölgə müxbirinin məlumatına görə, ötən axşamdan şimal-qərb regionuna yağmağa başlayan yağış dağ çaylarında, xüsusilə Kürmük, Tala, Katex, Mazıx və Balakən çaylarında suyun səviyyəsini artırıb. Yağış Aran bölgəsində daha böyük fəsadlar törədib. Sabirabadda şəxsi təsərrüfatlara ciddi ziyan dəyib. Hazırda yollarda hərəkətin bərpası istiqamətində işlər görülür. Güclü yağışla əlaqədar Baş Dövlət Yol Polis İdarəsi sürücülərə xəbərdarlıq edib. Sürücülərdən nəqliyyat vasitələrini ehtiyatla idarə etmək xahiş edilir. Belə ki, müşahidə olunan hava şəraiti Bakıda yol qəzalarının artmasına səbəb olub. Sentyabrın 30-dan oktyabrın 1-i səhər saatlarınadək Bakıda ölümlə nəticələnən qəzalar baş verməsə də, avtomobillərə ciddi ziyan vuran yol-nəqliyyat hadisələri qeydə alınıb. Daha çox yol qəzası isə aeroport yolunda baş verib. Geri dön |