davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Şirazda orucluq qadağasına riayət etməyən 500 nəfər tutulub
Şirazda orucluq qadağasına riayət etməyən 500 nəfər tutulub |
|
İranın Şiraz şəhərində hökumətin orucluq ayı ilə bağlı qoyduğu qadağalara riayət etməyən, ictimai yerlərdə yemək yeyib su içən 500 nəfər tutulub.
Şiraz inqilab prokurorunun müavini iyunun 30-da jurnalistlərə açıqlamasında deyib ki, hüquq-mühafizə qüvvələrinin əməkdaşları son günlərdə mövcud dəyərlərə qarşı çıxaraq ictimai yerlərdə yemək yeyib su içən ən azı 500 nəfəri tutublar: “Tutulanlara bir sutka ərzində hökm oxunub. Bundan başqa “Bəsic” təşkilatı qüvvələri də son on iki gündə qadağalara riayət etməyən 2699 nəfərə şifahi, 261 nəfərə isə yazılı şəkildə xəbərdarlıq ediblər. Əməkdaşlarımız həmçinin həmin müddətdə qaydalara riayət etməyən 2 yeməkxananı və sərnişinləri orucu pozan 2 avtomobili saxlayıblar”. Şiraz inqilab prokurorunun müavini tutduqları 500 nəfərə çıxarılan hökmləri açıqlamayıb. Qeyd edək ki, İrandakı islam qaydalarına görə, orucluq ayında ictimai yerlərdə yemək yeyib su içənlər 10 gündən 2 aya qədər həbsə və ya 74 şallaq zərbəsinə məhkum edilir. Geri dön |