davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Yerli oyunçular Traxtur komandasından uzaqlaşdırılır?
Yerli oyunçular Traxtur komandasından uzaqlaşdırılır? |
|
İyulun 14-də “Traxtur” komandasından rəsmən ayrılan keçmiş komanda oyunçusu, olduqca diqqət çəkən mövzuya toxunub.
Mehdi Qureyşi bildirib ki, “mənim “Traxtur”la 1.5 il müddətinə müqaviləm var idi. Lakin son günlər mənim komanda da qalmağım vəya ondan ayrılmağımla bağlı heç bir söhbət edilmir. Klub tərəfindən deyilib ki, klubun ödəniş etmək üçün imkanı yoxdur. Bu cəhətdən mən komandadan ayrıldım və klubdan olan tələbimi də istəmədim. Qoy o məbləğlə komandaya başqa oyunçu tapsınlar.” Keçmiş “Traxtur” oyunçusu sözlərini belə davam etdirib: “Klub məsulları yerli oyunçulara yaxşı baxmır. Məncə komandada yalnız iki nəfər yerli qalıb və bəlkə də bu il bir yerli qalacaq. Keşkə bu qədər yerli oyunçuları komandadan uzaq tutmasaydılar! Bir neçə super liqa komandasından təklif var, lakin öz doğma komandamız bizi istəmir!” Qeyd edək ki, Təbrizin “Traxtur” futbol takımı, bir futbol komandası olmaqdan başqa həm də onun müsabiqələrində milyonlarla azərbaycanlı öz milli, mədəni və demokratik hüquqlarını dilə gətirir və bu şəkildə Azərbaycanın haq səsi İran və dünya ictimaiyyətinə çatdırılır. Bu cəhətdən “Traxtur”u zəiflətmək, onu gözdən salmaq, eləcə də yerlilərdən boşaltmaq rejimin işinə yarıyır və M.Qureyşinin ifadə etdiyi sözlər bu cəhətdən diqqət çəkir. Geri dön |