davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Xamneyi: “İranın Amerika ilə bağlı siyasəti dəyişməyəcək”
Xamneyi: “İranın Amerika ilə bağlı siyasəti dəyişməyəcək” |
|
İyulun 18-də Tehranda qılınan Ramazan bayramı namazına rəhbərlik edən İranın dini lideri ayətullah Əli Xamneyi etdiyi çıxışında Qərblə nüvə razılaşmasından və ölkənin Amerika ilə bağlı siyasətindən danışıb.
Xamneyi deyib ki, ölkəsinin hazırda Amerika hökuməti ilə müxtəlif beynəlxalq məsələlərdə, o sıradan da regional problemlərlə bağlı heç bir müzakirəsi yoxdur: “Vyana razılaşmasından sonra İranın zülmkar Amerika ilə bağlı siyasəti dəyişməyəcək. Lakin biz istisna hallarda sistemin məsləhətini nəzərə alaraq Amerika ilə müzakirələr aparmışıq. Bu danışıqlar əvvəllərdə də olub”. Qərblə nüvə müzakirələri aparan İran nümayəndə heyətinə öz təşəkkürünü bildirən Xamneyi deyib ki, İran Amerikanın əlavə tələblər irəli sürməsi qarşısında təslim olmayacaq: “Mən nüvə razılaşmasının mətnindən su-istifadə olunmasına icazə verməyəcəyəm. Bu razılaşmadan sonra İranın müdafiə qabiliyyəti əvvəldə olduğu kimi qorunub saxlanılacaq və ölkə düşmənin əlavə tələblərinə boyun əyməyəcək. Əldə edilən razılaşmanın mətni qəbul edilsə də, edilməsə də biz bölgədəki dostlarımıza verdiyimiz dəstəyi dayandırmayacağıq. Biz regionda heç bir müharibənin tərəfdarı deyil, buna da can atmırıq. Lakin əgər hər hansı bir savaş baş versə, müharibədən məğlub çıxacaq tərəf yalnız təcavüzkar və cinayətkar Amerika olacaq”. Geri dön |