davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Təbriz-Urmiyə yolunda faciəvi yol qəzası: 4 nəfər diri-diri yanıb
Təbriz-Urmiyə yolunda faciəvi yol qəzası: 4 nəfər diri-diri yanıb |
|
Güney Azərbaycanın müxtəlif yollarında faciəvi yol qəzalarının ardı kəsilmir!
Təbriz-Urmiyə yolunda Xasiban məntəqəsində Pejo markalı maşınla bir Nissan markalı maşının toqquşması və Pejonun yanması nəticəsində onun 4 sərnişini diri-diri yanıb. Bu barədə danışan Şərqi Azərbaycan Vilayəti tibbi təcili hadisələr mərkəzinin ictimaiyyətlə əlaqələr şöbəsinin məsulu bildirib ki, “bu gün səhər Təbriz-Urmiyə yolunda xasiban məntəqəsində bir Pejo markalı maşınla Nissan markalı maşın toqquşub. Toqquşma nəticəsində Pejo markalı maşın od tutub və nəticədə bu maşının 4 sərnişini diri-diri yanıb.” Həbib Hüseynqulizadə bildirib ki, yol qəzası baş verəndən sonra hadisə yerinə ilkin tibbi yardım göstərmək üçün xüsusi qrup göndərilib, bundan sonra qəzada yaralanan 3 sərnişin Azərşəhr xəstəxanasına intiqal edilib.” Hadisə yerində olan şahidlərin sözlərinə görə, hadisə yerinə yanğınsöndürən maşın gəlib, lakin təchizatın yetərli olmadığından yanğını söndürmək mümkün olmayıb və beləliklə sözügedən faciə baş verib. Geri dön |