davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > İran rəsmisi: -Ustad Şəhriyar adına beynəlxalq mükafat təsis edilir
İran rəsmisi: -Ustad Şəhriyar adına beynəlxalq mükafat təsis edilir |
|
İranın Şərqi Azərbaycan əyalətinin incəsənət hövzəsinin rəisi Həsən Milani avqustun 4-də jurnalistlərə açıqlamasında görkəmli Azərbaycan şairi Məhəmmədhüseyn Şəhriyara keçiriləcək qurultaydan və onun adına təsis ediləcək beynəlxalq mükafatdan danışıb.
Həsən Milani deyib ki, Ustad Şəhriyarın ölümünün 27-ci ildönümündə bu ilin payızında onun Təbrizdə beynəlxalq qurultayı keçiriləcək: “Qurultayda Şəhriyarın yaradıcılığındakı əsasən 14 mövzu üzərində, o sıradan da onun şeirindəki dini və inqilabi təfəkkürü barədə məruzələr oxunacaq, onun məşhur “Heydərbabaya salam” poemasındakı dini kimlik məsələsi müzakirə ediləcək. Bu il, noyabr ayının əvvəllərində keçiriləcək ikigünlük qurultaya dünyanın 40 ölkəsindən, o sıradan da Azərbaycan Respublikası, Türkiyə, Hindistan, Tacikistan, Livan, İraq, Pakistan və Bəhreyndən şairlər və araşdırmaçı alimlər qatılacaq. Təbriz Universitetinin “Vəhdət” sarayında keçiriləcək qurultayda həmçinin ilk dəfə olaraq Ustad Şəhriyarın şeiri və ədəbi yaradıcılığı haqqında araşdırmalar aparmış xarici şairlərə onun adına təsis edilmiş beynəlxalq mükafat da təqdim ediləcək”. Geri dön |