davam.az - BÜTÖV AZƏRBAYCAN ADINA! > Çap səhifəsi > Şərqi Azərbaycan kəndlərində içməli su problemi kəskinləşir

Güney Azərbaycanın təxminən bütün bölgələrində su qıtlığı problemi yaşanır, bu problem getdikcə kəskinləşir.
Şərqi Azərbaycan Valiliyinin şuralar və kəndlərin İşləri üzrə baş madiri kəndlərdə yaşanan su qıtlığı ilə bağlı həyəcan təbili çalıb.

İrəc Mərəndi “Fars” xəbər agentliyinin müxbiri ilə danışıqda bildirib ki, “hazırda 231 kəndə tankerlərlə su çatdırılır. Sözügedən kənlərin 81-də ümumiyyətlə su yoxdur, lakin 150-də su azdır və suyun çatması üçün yardım olsun deyə tankerlərlə su daşınır.”

Ölkə və Şərqi Azərbaycanda su qıtlığından danışan Valilik rəsmisi vurğulayıb ki, “su böhranı və quraqlıq məsələsi ciddiyə alınmalıdır və su mənbələrinin qorunması üçün bütün dehyarilər və kənd şuraları dövlətin yanında olmalıdılar.”

İ.Mərəndi sözlərinin davamında çıxış yolu göstərməyə də çalışıb: “Məsrəf olan suyun təxminən 80 faizi əkinçilikdə və yalnız 20 faizi içməli su və sənayedə məsrəf olunur. Ona görə də, biz əkinçilik sahəsində suyun düzgün istifadə edilməsinə və suvarma üsullarına diqqət yetirməklə suya qənaət edə bilərik.”