davam.az - BÜTÖV AZƏRBAYCAN ADINA! > Gündəm, Bildiriş > Elan: Bakıda müəllimlər üçün onlayn ifadə azadlığı seminarı
Elan: Bakıda müəllimlər üçün onlayn ifadə azadlığı seminarı |
|
Bakı, CASCFEN, 26.08.2015 – Orta Asiya və Güney Qafqaz Söz Azadlığı Şəbəkəsi (CASCFEN) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımıyla “Müəllimlər üçün onlayn ifadə azadlığı mədəniyyəti” üzrə sonuncu seminarını sentyabrın 07-də Bakıda təşkil edəcək.
Seminarlarda aşağıdakı mövzulara yer veriləcək: 1. İfadə azadlığının təmin edilməsində Azərbaycanın da tərəfdar çıxdığı beynəlxalq normalar; 2. Azərbaycan qanunlarında ifadə azadlığının təminatı; 3. İfadə azadlığından sui-istifadə hallarının yaratdığı məsuliyyət; 4. Sosial şəbəkələr və digər onlayn platformalarda ifadə azadlığı mədəniyyəti – netiket; 5. Netiketin pozulma halları və onların aradan qaldırılması; 6. Tədris prosesində onlayn mənbələrlə iş zamanı netiketə əməl edilməsi; 7. Örnəklər üzərində iş. Seminara yalnız orta məktəb müəllimləri qatıla bilər. Yerlər məhdud olduğu üçün ilk müraciət edənlərə üstünlük veriləcək. Seminarda 25 nəfərin iştirakı nəzərdə tutulur. Sonda iştirakçılar CASCFEN-in sertifikatını alacaq. Seminar ödənişsizdir. Qatılmaq istəyənlərin ən geci sentyabrın 4-dək bu ünvanlardan birinə müraciət etməsi xahiş olunur: info@cascfen.net və ya azer@azerhasret.com. Lütfən, CV və ya bioqrafiya göndərməyin. Müraciət edərkən e-məktubun mövzu yerinə “Bakıda seminar”, mətn yerinə isə ad, soyad, işlədiyiniz məktəb, dərs dediyiniz fənn və iş stajı bilgilərinizi tək bir sətirdə yazmaqla göndərin. Təşkilatın saytı: www.cascfen.net. Layihə rəhbəri: Azər Həsrət – www.azerhasret.com +994 50 335 2795 CASCFEN Mətbuat Xidməti Geri dön |