davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Xoy sərhədində baş verən silahlı qarşıdurmada Sepahın 2 üzvü öldürülüb
Xoy sərhədində baş verən silahlı qarşıdurmada Sepahın 2 üzvü öldürülüb |
|
Sentyabrın 7-si axşam saatlarında İranın Qərbi Azərbaycan əyalətinin Xoy şəhərində Türkiyə ilə sərhədə naməlum silahlı qüvvələrlə baş vermiş qarşıdurmada “Sepah”ın 2 üzvü öldürülüb, 2-si isə ağır bədən xəsarəti alıb.
İran mənbələrinin yaydığı məlumatda bildirilir ki, baş verən olayda qarşı tərəfdən isə bir neçə nəfər həlak olub, 5 nəfəri də tutulub. İran saytları “Sepah” üzvlərini öldürən qarşı tərəfin kimliyini açıqlamasa da, onların PKK terror təşkilatının İran qanadı sayılan “Pjak” kürd yaraqlıları olduğu təxmin edilir. Qeyd edək ki, son illərdə İranın Qərb sərhədlərində “Pjak”la hökumət qüvvələri arasında baş verən qarşıdurmalarda hər iki tərəfdən çoxlu insan həlak olub. Geri dön |