davam.az - BÜTÖV AZƏRBAYCAN ADINA! > Çap səhifəsi > Qərbi Azərbaycan yollarında bir ayda 69 nəfər yol qəzalarının qurbanı olub

Güney Azərbaycanda yararsız və köhmə maşınlar, həmçinin qeyri-standard və ensiz yolar hər il çoxsaylı soydaşımızın həyatına son qoyur.
Qərbi Azərbaycan vilayətinin tibbi ekspertiza mərkəzinin baş-müdiri bildirib ki, “bu il mordad ayında (hicri-şəmsi təqvimi ilə) Qərbi Azərbaycan yolları 69 nəfərin həyatına son qoyub.”

Əli İftixari “Təsnim” xəbər agentliyinin müxbiri ilə danışıqda deyib:

“Əldə olunan raporta (quzariş) əsasən bu il mordad ayında 69 nəfər yol qəzasının qurbanı olub. Onlardan 53-ü kişi və 16-ı qadın olub.

Bu ilin birinci 5 ayında isə Qərbi Azərbaycan vilayətində 272 nəfər müxtəlif yol qəzalarında dünyasını dəyişib. Bu rəqəm keçən illə müqayisədə hansıki 286 nəfər idi, 14 nəfər azalma göstərir. Bu müddətdə yol qəzalarına qurban gedən 272 nəfərdən 213-ü kişi və 59 nəfəri qadın olub.”

Ə.İftixari əlavə edib ki, “cari ilin birinci 5 ayında 4587 nəfər yol qəzalarında xəsarət alıb və tibbi ekspertiza mərkəzlərinə müraciət edib. Onlardan 3256 nəfəri kişi və 1328 nəfəri qadın olub.”