davam.az - BÜTÖV AZƏRBAYCAN ADINA! > Gündəm, İdman > "Qarabağ" qalib gəldi, "Neftçi" qələbə üzünə həsrətdir
"Qarabağ" qalib gəldi, "Neftçi" qələbə üzünə həsrətdir |
|
Bu gün Azərbaycan Premyer Liqasında II dövrəyə start verilib.
"Qəbələ" doğma meydanda AZAL klubunu qəbul edib. Meydan sahiblərinin çoxsaylı cəhdlərinə baxmayaraq, hesab açılmayıb (0:0). "Xəzər Lənkəran" "Sumqayıt"ı sınağa çəkib. İlk iki qol qonaqlardan gəlib. Son dəqiqələrdə Rahid Əmirquliyevin qolu isə lənkəranlılara yalnız təsəlli verib - 1:2. "Zirə" - "Kəpəz" oyunu isə daha məhsuldar olub. Son turlarda baxımlı oyun nümayiş etdirən hər iki komanda meydanı sülhlə tərk edib - 2:2. Lider "Qarabağ" autsayder "Rəvan"ı qəbul edib. Oyunda yeganə qolun müəllifi 36-cı dəqiqədə Vüqar Mustafayev olub - 1:0. "Neftçi" bu dəfə də qalib gələ bilməyib. Öz meydanında "İnter"lə qarşılaşan "Neftçi" 36-cı dəqiqədə Ruslan Qurbanovun penalti zərbəsindən vurduğu qolla önə keçib. 86-cı dəqiqədə Nizami Hacıyevin qolu isə bərabərliyi təmin edib - 1:1. Beləliklə, 10 turdan sonra "Qarabağ" 23 xalla liderdir. "Qəbələ" 21 xalla ikinci, "İnter" 18 xalla üçüncüdür. "Neftçi" isə 10 oyundan 10 xalla 7-ci sırada qərarlaşıb. Geri dön |