davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Meşkinşəhrdə tutulan azərbaycanlı fəal Rza Fərəczadə azadlığa buraxılıb
Meşkinşəhrdə tutulan azərbaycanlı fəal Rza Fərəczadə azadlığa buraxılıb |
|
9 gün əvvəl Güney Azərbaycanın Meşkinşəhr (Xiyav) şəhərində fars irqçiliyinə qarşı etirazlarda tutulan azərbaycanlı milli-mədəni fəal Rza Fərəczadə azadlığa buraxılıb.
Fəalın müvəqqəti olaraq Xiyav zindanından azadlığa buraxılması, ailəsinin qoyduğu 200 milyon tümənlik mülk girovu qarşılığında mümkün olub. Onun həbsdə saxlandığı müddətdə müxtəlif psixi (ruhi) təzyiqlərə məruz qoyulduğu bildirilir. ETTELAAT-ın Meşkinşəhr şöbəsinin əməkdaşları Rza Fərəczadəni noyabrın 10-da tutub naməlum istiqamətə aparmışdılar. Fəalın konkret nədə günahlandırıldığı bilinmir. Xatırladaq ki, noyabrın 6-da , İranın dini lideri ayətullah Əli Xamneyinin birbaşa nəzarətində olan Dövlət Televiziyasından yayımlanan “Fitilə” adlı proqramda Azərbaycan türkləri iyrənc bir şəkildə təhqir edilərək alçaldılıb. Noyabrın 9-da İranın azərbaycanlılar yaşayan bütün əyalətlərində yüz minlərlə insan küçələrə axışaraq fars irqçiliyinə qarşı etiraz yürüşləri keçiriblər. Nəticədə Təbriz və Urmiyada ən azı 130 azərbaycanlı fəal tutulub, bir neçə adam bədən xəsarəti alıb, bir nəfər isə polis tərəfindən öldürülüb. Geri dön |