davam.az - BÜTÖV AZƏRBAYCAN ADINA! > Gündəm, Mədəniyyət, DAVAMın yazıları > Şamaxının ən qədim dünyəvi məktəbinin şanlı yubileyi nə vaxt keçiriləcək?
Şamaxının ən qədim dünyəvi məktəbinin şanlı yubileyi nə vaxt keçiriləcək? |
|
Mətbuatda verilən xəbərlərə görə, dekabrın 19-da Azərbaycanda ilk qəza məktəbinin - Üzeyir bəy Hacıbəyli adına Şuşa şəhər 1 nömrəli orta məktəbinin 185 illik yubileyi məktəbin yeni binasında qeyd edilmişdir.
Gün o gün olsun ki, 141 yaşlı Şamaxı Məclis Məktəbinin də ölkə səviyyəsində yubileyi keçirilsin. Bu məktəbin yaradıcısı görkəmli maarifçi Hacı Səid Əfəndi Ünsizadədir(1825-1905). Ümummilli liderimiz Heydər Əliyev 18 iyun 2001-ci il tarixli 506 nömrəli Fərmanı ilə- "DÖVLƏT DİLİNİN TƏTBİQİ İŞİNİN TƏKMİLLƏŞDİRİLMƏSİ HAQQLDAİ AZƏRBAYCAN RESPUBLİKASI PREZİDENTİNİN FƏRMANI " ilə Səid Ünsizadənin maarifçilik fəaliyyətini çox yüksək qiymətləndirmiş, onun adını XIX əsrin görkəmli maarifçiləri Mirzə Kazım bəy,Mirzə Şəfi Vazeh, Seyid Əzim Şirvani,Aleksey Çernyayevski,Mirzə Əbülhəsən bəy Vəzirov,Rəşid bəy Əfəndiyev,Sultan Məcid Qənizdə, Məhəmmədtağı Sidqi,Nəriman Nərimanov,Üzeyir Hacıbəyov,Abdulla Şaiq və başqaları ilə bir cərgədə çəkmişdir. Cəlal Ünsizadə, Seyid Əzim Şirvani bu məktəbin ilk müəllimlərindən idilər. Azərbaycan təhsil tarixində özlərinə məxsus şərəfli yerləri olan Sultan Məcid Qənizadə,Həbib bəy Mahmudbəyov,Mirzə Ələkbər Tahirzadə (Sabir) və başqaları Məclis Məktəbinin bacarıqlı şagirdləri olmuşlar. "Məclis Məktəbi " 1918-ci ilədək fəaliyyət göstərmişdir. Şamaxı Avropa Liseyi "Məclis Məktəbi"ndə aparılan pedaqoji ənənələri bu gün şərəflə davam etdirir. "Məclis məktəbi"nin 140 yaşı 13 dekabr 2014-cü ildə Şamaxıda payon səviyyəsində keçirilmişdir. 140 yaşlı məktəbin yubileyində Respublika Təhsil Şurasının sədri professor Əjdər Ağayev, "Məclis məktəbi" ilə qardaşlaşan Bakıdakı Avropa Azərbaycan Məktəbinin direktoru Qrem Pollok,Təhsil Nazirliyinin Elmi-Metodiki Şurasının bölmə üzvü ,Azərbaycan Respublikasının əməkdar müəllimi Nazim Nəsrəddinov və başqaları çıxış etmişlər. Şamaxı Avropa Liseyinin məktəbliləri öz təhsil ocaqlrının daha möhtəşəm yubileyini görmək arzusundadırlar. Nazim Nəsrəddnov, Azərbaycan Respublikasının əməkdar müəllimi. Bakı,21.12.2015. Geri dön |