davam.az - BÜTÖV AZƏRBAYCAN ADINA! > Gənclik > “Vətən” Cəmiyyətinin nümayəndələri Danimarkanın gənclər və idman naziri ilə görüşüblər
“Vətən” Cəmiyyətinin nümayəndələri Danimarkanın gənclər və idman naziri ilə görüşüblər |
|
Danimarkada fəaliyyət göstərən “Vətən” Cəmiyyətinin sədri Səfər Sadiqi və cəmiyyətin təşkilat komitəsinin sədri Mehriban Əliyeva ölkənin gənclər və idman naziri xanım Christine Antorini ilə görüşüblər. Diasporla İş üzrə Dövlət Komitəsindən DAVAM.AZ-a verilən xəbərə görə, görüşdə “Vətən” Cəmiyyəti barədə naziri məlumatlandıran Səfər Sadiqi əsas məqsədlərinin Danimarka ictimaiyyətini Azərbaycan barədə bilgiləndirmək olduğunu bildirib. O, nazirə Azərbaycanın tarixi, mədəniyyəti barədə ətraflı məlumat verib, Şərqdə ilk demokratik respublikanın Azərbaycanda yaradıldığını söyləyib. S. Sadiqi Dağlıq Qarabağ münaqişəsi haqqında da danışaraq ölkə ərazisinin 20%-nin erməni işğalçıları tərəfindən zəbt edildiyini və hazırda Azərbaycan Respublikasının bu problemi sülh yolu ilə həll etmək üçün göstərdiyi səylərdən bəhs edib.
Nazir danimarkalıların Azərbaycana marağının yüksək olduğunu, buna görə də ölkəyə turist səfərlərinin genişləndirilməsinin əhəmiyyətini vurğulayıb. O, “Vətən” Cəmiyyətinin nümayəndələrinə Azərbaycan barədə ətraflı məlumat verdiklərinə görə təşəkkürünü bildirib. Geri dön |