davam.az - BÜTÖV AZƏRBAYCAN ADINA! > Gündəm, Bildiriş > Dost itkisi
Dost itkisi |
|
Əziz bir dostumuzu itirdik.
Vüsal Orucov Avropa Azərbaycan Məktəbində Yardımçı Şəbəkə meneceri işləyirdi. O, hamıya əziz dost və qardaş olmağı bacarırdı.Məktəbin bütün tədbirlərinin texniki rəhbərliyini tərəddüd etmədən ona tapşırırdılar. Vüsalı müəllimlər də,şagirdlər də, təhsil ocağı ilə gündəlik təmasda olan valideynlər də yaxşı tanıyır, ona hörmət və ehtiramla salam verirdilər. Vüsal yenilikçi, yüksək elmi və texniki təfəkkürlü ziyalı idi.Onunla söhbət etmək,hal-əhval tutmaq hamıya maraqlı görünürdü. Vüsal şagirdlərin texniki yaradıcılığına istiqamət verən, onları düşünməyə, ideyalarla çıxış etməyə yönləndirən həvəsli mütəxəssis idi. Gözəl səslə oxumağı, kamera və fotoaparatla yaxşı şəkillər çəkməyi bacarırdı. Onun şəkillərində çoxunun görə bilmədiyi momentlər, tarixi anların əksi yadda qalan xatirələrdəndir. AAM-in rəhbərliyi bu yaxınlarda yüksək etimad göstərərək Vüsal Orucovu yeni vəzifəyə təyin etmişdi. Vüsal Orucov Bakıya Sumqayıtdan gəlirdi. Yollar onu yormasa da,o,ömrünü yolda başa vurdu.Qohum-əqrəbaları ilə bir yerdə avtomobil qəzasına düşdü, arzuları yarımçıq qaldı. Allah rəhmət eləsin, əziz dost. Səni tanıyanlar heç vaxt səni unutmayacaqlar. Nazim Nəsrəddinov. Geri dön |