davam.az - BÜTÖV AZƏRBAYCAN ADINA! > Gündəm, Mədəniyyət > Bakıda türk poeziya gecəsi
Bakıda türk poeziya gecəsi |
|
Fevralın 12-də Mədəniyyət və Turizm Nazirliyi və Bakı Yunus Əmrə İnstitutunun dəstəyi ilə Nizami Kino Mərkəzində “Xəzərdə eşqin səsi” türk poeziya gecəsi keçirilib.
AZƏRTAC xəbər verir ki, gecədə Milli Məclisin deputatları, Türkiyənin Azərbaycandakı səfiri İsmayıl Alper Coşqun, mədəniyyət və ədəbiyyat xadimləri, elm adamları iştirak edib. Bakıdakı Yunus Əmrə İnstitutunun müdiri İbrahim Yıldırım şeir gecəsinə təşrif buyuran qonaqları salamlayaraq, zaman ayırıb burada iştirak etdikləri üçün onlara minnətdarlığını bildirib. Nigar Həsənzadənin “Söz” layihəsi çərçivəsində təşkil edilən gecədə Azərbaycan və türk şeirinin görkəmli nümayəndələrinin əsərlər peşəkar teatr sənətçiləri tərəfindən səsləndirilib. Tədbirdə “Savalan” musiqi qrupu da çıxış edib. Musiqi və şeirin vəhdətində qurulmuş kompozisiya gecəyə xüsusi ab-hava gətirib. Qeyd edək ki, “Söz” ədəbi layihəsi Azərbaycanın yazıçı və şairlərinin həm ölkə daxilində, həm də beynəlxalq ədəbi mühitdə tanıdılması, cəmiyyətdə ədəbiyyata, ədəbi ənənələrə, poetik axşamlara marağın artırılması, yeni istedadlı yazarların yaradıcılığının təbliğ olunması məqsədi daşıyır. Geri dön |