davam.az - BÜTÖV AZƏRBAYCAN ADINA! > Hadisə > Türkiyədə sərnişin avtobusunun qəzaya uğraması nəticəsində xəsarət alan Azərbaycan vətəndaşlarının adları açıqlanıb
Türkiyədə sərnişin avtobusunun qəzaya uğraması nəticəsində xəsarət alan Azərbaycan vətəndaşlarının adları açıqlanıb |
|
Türkiyənin Ərzincan şəhərində sərnişin avtobusunun qəzaya uğraması nəticəsində xəsarət alan üç Azərbaycan vətəndaşının adı açıqlanıb. Bunlar Okmen Solmaz Müseyib qızı (1984-cü il təvəllüdlü), Bozbay Xədicə Əli qızı (1959) və Okmen Ayşə Şenol qızıdır (2008). Bu barədə şənbə günü Trend-ə Ərzincan şəhərindəki polis məntəqəsindən məlumat veriblər.
Onların hamısı artıq xəstəxanadan buraxılıb. Türkiyə KİV-inin verdiyi məlumata görə, Türkiyədə İstanbul-Ağrı istiqamətində hərəkət edən 44 sərnişini olan avtobus Ərzincan vilayəti ərazisində başqa bir avtobusla toqquşub. Qəza nəticəsində 21 sərnişin xəsarət alıb. Sərnişinlərdən 3 nəfəri Azərbaycan vətəndaşıdır. Ərzincanın müxtəlif xəstəxanalarına çatdırılan yaralıların vəziyyətinin qənaətbəxş olduğu bildirilir. Neon Xəstəxanasından əvvəl Trend-ə bildiriblər ki, xəsarət alan azərbaycanlıların vəziyyəti normaldır. Geri dön |