davam.az - BÜTÖV AZƏRBAYCAN ADINA! > Xəbərlər, Özəl xəbər, Fərəc Quliyev > "Ermənilərlə döyüşməklə borcumu bir az kompensasiya etdim"
"Ermənilərlə döyüşməklə borcumu bir az kompensasiya etdim" |
|
Vaxtilə Azərbaycan Dövlət Tibb İnstitutunu bitirmişəm. Bizim institutda hərbi kafedra var idi. O zaman Sovet dövründə institutu bitirəndə hərbi rütbə verilirdi, zabit olurduq. Mən də ehtiyatda olan zabit idim. O zamanlar kurs bitəndən sonra 45 günlük hərbi xidmət keçilirdi. Mən həmin 45 günlük xidməti keçmişəm. Bizim xidmətimiz Astarada motoatıcı diviziyada zabit kimi kurs keçməkdən ibarət olub.
Bunu Milli.Az-a açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Fərəc Quliyev deyib. Amma millət vəkilinin sözlərinə görə, daha sonralar bunun əvəzini artıqlaması ilə ödəyib: "Elə oldu ki, birinci Qarabağ savaşı başlayanda könüllü dəstələr yaratdıq və bir neçə il torpaqlarımızı işğal edən ermənilərlə döyüşməklə bunu bir az kompensasiya edə bilmişəm. Mən 1988-93-cü illərdə ordunun yaranması üçün mübarizə aparmışam. Hətta buna görə qanunsuz silahlı dəstələr yaratmaqda ittiham olunmuşam və 1995-2002-ci illərdə həbsdə yatmışam. Amma bununla fəxr edirəm". İlkin İzzət Milli.Az Geri dön |