davam.az - BÜTÖV AZƏRBAYCAN ADINA! > Çap səhifəsi > Avro-2016: Almanlar oynadı, fransızlar uddu

Fransada keçirilən futbol üzrə Avropa çempionatının ikinci finalçısı da müəyyənləşib.

Trend-in məlumatına görə, növbəti yarımfinal oyununda Almaniya və meydan sahibi Fransa qarşılaşıblar.

İlk hissə almanların üstünlüyü ilə keçsə də, kapitan Şvaynştaygerin topu əllə dəf etməsi işləri korlayıb - 45-ci dəqiqədə Qrizman penalti zərbəsini dəqiq yerinə yetirməklə fransızları önə keçirib.

İkinci hissədə də almanlar fransızlara “hədiyyə” veriblər. 72-ci dəqiqədə qapıçı Manuel Noyerin çıxışda səhvə yol verməsi Qrizmanın dublu ilə nəticələnib.
2 dəqiqə sonra almanların fərqlənməsinə qapı çatı mane olub. Bundestimin digər cəhdləri də nəticəsiz qalıb – 2:0.

Beləliklə, iyulun 10-da finalda Fransa və Portuqaliya yığmaları qarşılaşacaqlar.