davam.az - BÜTÖV AZƏRBAYCAN ADINA! > Gündəm, Mədəniyyət > Milli Kitabxanada Xoca Əhməd Yasəviyə həsr olunmuş beynəlxalq elmi konfrans keçirilib
Milli Kitabxanada Xoca Əhməd Yasəviyə həsr olunmuş beynəlxalq elmi konfrans keçirilib |
|
Oktyabrın 31-də Mirzə Fətəli Axundzadə adına Azərbaycan Milli Kitabxanasında Mədəniyyət və Turizm Nazirliyi, TURKSOY, Beynəlxalq Türk Mədəniyyəti və İrsi Fondu və Azərbaycan Milli Kitabxanasının birgə təşkilatçılığı ilə XI əsrin məşhur mütəfəkkir şairi Xoca Əhməd Yasəviyə həsr olunmuş beynəlxalq elmi konfrans keçirilib.
Tədbir iştirakçıları əvvəlcə Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyublar. Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb. Milli Kitabxanada davam etdirilən konfransdan əvvəl iştirakçılar kitabxana ilə yaxından tanış olub, burada gedən yeni avtomatlaşdırılmış iş prosesləri ilə maraqlanıblar. Beynəlxalq elmi konfransı açan kitabxananın direktoru Kərim Tahirov qonaqları salamlayaraq TÜRKSOY-la birgə reallaşdırılan layihələrdən danışıb. Tədbirdə mədəniyyət və turizm nazirinin birinci müavini Vaqif Əliyev Xoca Əhməd Yasəvi yaradıcılığına qısa nəzər salıb. Konfransda digər çıxış edənlər də XI əsr mütəfəkkirinin yaradıcılığından söz açıblar. Sonda tədbir iştirakçıları Xoca Əhməd Yasəviyə həsr olunmuş kitab sərgisi ilə tanış olublar. Geri dön |