Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Azərbaycan diaspor rəhbəri Moldovanın ali dövlət mükafatına layiq görülüb
davam.az - BÜTÖV AZƏRBAYCAN ADINA! > Gündəm, Diaspor > Azərbaycan diaspor rəhbəri Moldovanın ali dövlət mükafatına layiq görülüb

Azərbaycan diaspor rəhbəri Moldovanın ali dövlət mükafatına layiq görülüb


Moldova Azərbaycanlıları Konqresinin sədri, iş adamı, xeyriyyəçi Vüqar Novruzov bu ölkənin ali dövlət mükafatına - Respublika Ordeninə layiq görülüb.

Azərbaycanın Diasporla İş üzrə Dövlət Komitəsindən AZƏRTAC-a bildirilib ki, mükafat noyabrın 11-də təqdim ediləcək.

Moldovada Respublika Ordeni vətənin və cəmiyyətin inkişafı naminə bütün sahələrdə xüsusi xidmətləri olan şəxslərə təqdim edilir.

Vüqar Novruzov 1962-ci ildə Azərbaycanın Laçın rayonunda anadan olub. 1980-ci ildən Moldovada yaşayan V.Novruzov Moldova Dövlət Universitetinin hüquq fakültəsinin məzunu, hüquq elmləri doktorudur. O, 1992-ci ildən biznes fəaliyyəti ilə məşğul olur, hazırda “Azmol Kompany” şirkətinin baş direktorudur.

Vüqar Novruzov 2004-cü ildən Moldova Azərbaycanlıları Konqresinin sədridir. Dünya Azərbaycanlıları Əlaqələndirmə Şurasının üzvü olan Vüqar Novruzov Azərbaycan Prezidenti İlham Əliyevin Sərəncamına əsasən “Tərəqqi” medalı ilə təltif olunub.
Geri dön