davam.az - BÜTÖV AZƏRBAYCAN ADINA! > Gündəm, Hüquq > Hərbi vəziyyət zamanı mitinq və küçə yürüşləri qadağan edilir
Hərbi vəziyyət zamanı mitinq və küçə yürüşləri qadağan edilir |
|
Azərbaycanda hərbi vəziyyət zamanı mitinqlər, küçə yürüşləri, piketlər və s. qadağan edilir.
Milli Məclisdən verilən məlumata görə, bununla bağlı yenidən hazırlanmış “Hərbi vəziyyət haqqında” qanunun 10-cu (Hərbi vəziyyət rejiminin təmin edilməsinə yönəlmiş tədbirlər) maddəsinə 1.14-cü bənd əlavə edilib. Bəndə əsasən, hərbi vəziyyət rejiminin təmin edilməsinə yönəlmiş tədbirlər sırasına “yığıncaqlar, mitinqlər, küçə yürüşləri, nümayişlər və piketlərin, habelə digər kütləvi tədbirlərin keçirilməsinin qadağan edilməsi və ya məhdudlaşdırılması” da daxil edilir. Qeyd edək ki, yeni qanun layihəsinə görə, Azərbaycan ərazisinin müəyyən hissəsi faktiki işğal edildikdə, xarici dövlət və ya dövlətlər Azərbaycana müharibə elan etdikdə, ölkəyə qarşı real silahlı hücum təhlükəsi yarandıqda və Azərbaycan ərazisi blokadaya alındıqda, habelə blokada üçün real təhlükə olduqda hərbi vəziyyət elan edilir. Qanun layihəsi birinci oxunuşda Milli Məclisin plenar iclasına tövsiyə olunub. Geri dön |