davam.az - BÜTÖV AZƏRBAYCAN ADINA! > Gündəm, Hərb > Ukrayna T-84U «Oplot» əsas döyüş tanklarının Azərbaycana satışı ilə bağlı danışıqlar aparır
Ukrayna T-84U «Oplot» əsas döyüş tanklarının Azərbaycana satışı ilə bağlı danışıqlar aparır |
|
Ukrayna T-84U «Oplot» əsas döyüş tanklarının Azərbaycana satılması üçün danışıqlar aparır.
Yeni tankın ötən il Azərbaycan mütəxəssisləri üçün bir neçə dəfə təqdimatı keçirilib və silahlanmaya qəbulunun mümkünlüyü barədə müsbət rəy alınıb. Hazırda tankın alğı-satqısına dair müzakirələr son mərhələdədir. ««Oplot» hazırda MDB məkanında istehsal olunan «T» seriyalı tanklar arasında ən yüksək göstəricilərə malikdir. Başlanğıcda NATO ölkələrinə satış üçün nəzərdə tutulan bu döyüş maşını hətta bəzi funksiyalarına görə, T-90-ları üstələyir», - deyə Ukraynanın «A. Morozov adına maşınqayırma və konstruktor Bürosu»nun adının çəkilməsini istəməyən əməkdaşı APA-ya bildirib. Onun sözlərinə görə, hazırda alğı-satqı məsələsi «Ukrspetseksport» şirkəti və Ukrayna Müdafiə Nazirliyi tərəfindən aparıldığı üçün detallar bəlli deyil. Qeyd edək ki, «Oplot» analoqlarından fərqli olaraq termal nişangah, peyk naviqasiya sistemi, «Noj» adlı üçüncü nəsil dinamik müdafiəsi var. Tank 125 mm-lik top, həmçinin 12,7 mm-lik pulemyota malikdir. Geri dön |