davam.az - BÜTÖV AZƏRBAYCAN ADINA! > İslam dini > Komitə sədri: "Azərbaycandakı məscidlər dini ayinlərin icrası üçün gələnlərin tələbatını ödəyir"
Komitə sədri: "Azərbaycandakı məscidlər dini ayinlərin icrası üçün gələnlərin tələbatını ödəyir" |
|
"Azərbaycandakı məscidlərin sayı dini ayinlərin icrası üçün bu məkanlara üz tutanların tələbatını kifayət qədər ödəyir".
Bunu Dini Qurumlarla İş üzrə Dövlət Komitəsinin sədri Mübariz Qurbanlı keçirdiyi mətbuat konfransında deyib. O bildirib ki, Dini Komitə daim monitorinqlər keçirir və nə qədər vətəndaşın namaza, dini ayinlərə gəldiyini müəyyənləşdirir: "Monitorinqlər vasitəsilə ölkədə olan məscidlərin sayının dini ayinlərin icrası üçün gələn vətəndaşların təlabatını ödəyib-ödəmədiyi müəyyənləşdirilir". Komitə sədri deyib ki, hətta Bakı şəhərində olan məscidlərdə bayram namazlarına gələn insanların hamısını əhatə edəcək qədər yer olur: "Azərbaycanda 2100-ə qədər məscid var ki, onlardan 1500-ü fəaliyyət göstərir. Davamlı olaraq fəaliyyət göstərən məscidlərin sayı təqribən 1300-ə qədərdir. Yəni bu məscidlər hər namaz vaxtlarında açılır. 2100 məscid o demək deyil ki, onun hamısında fəaliyyət var. Qalan məscidlərin bəziləri yalnız bayram namazları üçün, bəziləri yalnız cümə günləri namaz üçün açılır. Burada onlara heç kim onlara müdaxilə etmir. Bakıda 132 məscid var". Geri dön |