davam.az - BÜTÖV AZƏRBAYCAN ADINA! > Çap səhifəsi > İşğalçı erməni dəstələri bir neçə istiqamətdə atəşkəsi pozublar

Azərbaycan torpaqlarında erməni "dövləti" yaradan və qalan torpaqlarının bir hissəsini işğal altında saxlayan Ermənistan İşğal Qüvvələri qoşunların təmas xəttində atəşkəs rejimini pozmaqda davam edir.

Müdafiə Nazirliyinin mətbuat xidmətindən verilən məlumata görə, Ermənistan İşğal dəstələtinin bölmələri martın 30-da saat 15.30-dan 15.40-dək və 16.45-dən 16.55-dək Ermənistan Respublikasının Berd rayonunun Mososqerx kəndində və adsız yüksəkliklərdə yerləşən mövqelərdən Tovuz rayonunun Əlibəyli kəndində və adsız yüksəkliklərdə yerləşən mövqelərimizi, martın 31-də saat 06.22-dən 06.25-dək Ermənistan Respublikasının Noyenberyan rayonunun Berdavan kəndində yerləşən mövqelərdən Qazax rayonunun Kəmərli kəndində yerləşən mövqelərimizi, saat 05.15-dən 05.50-dək Füzuli rayonunun Horadiz kəndi yaxınlığında yerləşən mövqelərdən, saat 05.15-dən 05.40-dək Cəbrayıl rayonunun Mehdili kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Düşmən cavab atəşi ilə susdurulub.