davam.az - BÜTÖV AZƏRBAYCAN ADINA! > Siyasət > Türkiyədən İranı şoka salacaq addım
Türkiyədən İranı şoka salacaq addım |
|
Türkiyə İrandan neft alınmasının məhdudlaşdırılması yönündə ilk addımı atıb. “Hürriyet” qəzetinə istinadən verilən məlumata görə, Türkiyənin enerji və təbii qaynaqlar naziri Taner Yıldız İrandan alınan neftin bir qisminin Liviyadan alınacaq neftlə əvəzlənməsi istiqamətdə fəaliyyətə başlanıldığını açıqlayıb.
Taner Yıldız bu il ərzində Liviyadan 1 milyon ton xam neft alınacağını bildirib: “Liviyadan nefti özəl şirkətlər və TÜPRAŞ vasitəsi ilə alacağıq. Bu il Liviyadan neft almağa artıq başlamışıq. Liviyadan neft almağımız sayəsində İrandan alınan neftin miqdarı müəyyən qədər azalacaq. Liviya ilə bərabər Səudiyyə Ərəğistanından da uzun vədəli müqavilələrlə neft ala bilərik. Bununla da İrandan aldığımız xam neftin həcmini 10 faiz azalda bilərik”. Taner Yıldızın açıqlamasından dərhal sonra TÜPRAŞ açıqlama yayıb. Açıqlamada qeyd edilib ki, yaranmış vəziyyətlə bağlı İrandan xam neft alınmasının 20 faiz azaldılmasına qərar verilib, bu, digər ölkələrdən alınan xam neftlə əvəzlənəcək. Qeyd edək ki, bir neçə gün əvvəl ABŞ Dövlət Departamenti İrandan neft alan 12 ölkənin adının “qara siyahı”ya salındığı və yaxın vaxtlarda açıqlanacaq siyahıda Türkiyənin də adının olduğunu açıqlamışdı. “Qara siyahı”ya salınan ölkələrə qarşı ABŞ sanksiyalar tətbiq edəcək. Dünən ABŞ-ın Türkiyədəki səfiri Francis Ricciardone də Türkiyənin İrana qarşı sanksiyaların tətbiqi ilə bağlı bir qərar verməli olduğunu bəyan etmişdi. Geri dön |