davam.az - BÜTÖV AZƏRBAYCAN ADINA! > Gündəm, Hərb > MDB ölkələri Qərargah Rəisləri Komitəsinin iclası başa çatıb
MDB ölkələri Qərargah Rəisləri Komitəsinin iclası başa çatıb |
|
Qazaxıstanın paytaxtı Astanada keçirilən MDB ölkələri Qərargah Rəisləri Komitəsinin iclası başa çatıb. Qazaxıstan Müdafiə Nazirliyinin saytının verdiyi məlumata görə, iclasa Azərbaycan, Ermənistan, Belarus, Qazaxıstan, Qırğızıstan, Rusiya, Tacikistan və Ukrayna silahlı qüvvələrinin qərargah rəislərinin başçılıq etdiyi nümayəndə heyətləri qatılıb. Azərbaycanı Silahlı Qüvvələrin Baş Qərargah rəisi, general-polkovnik Nəcməddin Sadıqov təmsil edib.
Toplantıda hərbi sferada müxtəlif istiqamətlər üzrə qarşılıqlı əməkdaşlıq, hərbi təyinatlı sistemlərin yaradılması və təkmilləşdirilməsi məsələləri müzakirə olunub. Qərargah rəisləri humanitar minatəmizləmə əməliyyatları zamanı mühəndis qoşunlarının əməkdaşlığı haqqında saziş layihəsini də müzakirə ediblər. Radiasiya, kimya və bioloji vəziyyət barədə informasiya mübadiləsi üzrə təlimlərin keçirilməsi qaydaları müəyyənləşdirilib. İclasın yekununda MDB formatında çoxtərəfli hərbi əməkdaşlıq sisteminin təkmilləşdirilməsinə dair qərar qəbul edilib. Toplantının sonunda Kollektiv Təhlükəsizlik Müdafiəsi Təşkilatı Baş Qərargah rəislərinin qeyri-formal toplantısı keçirilib. Geri dön |