davam.az - BÜTÖV AZƏRBAYCAN ADINA! > Çap səhifəsi > Türkiyə millisinin üzvü futboldan UZAQLAŞDIRILDI

FİFA “Trabzonspor”un şikayətini təmin edib.
2011-ci ildə Trabzon təmsilçisiylə müqavilə imzalayan və anlaşmanın şərtlərinə əməl etməyən Hakan Çalhanoğluyla bağlı aparılan araşdırmalar futbolçuya baha başa gəlib.
Artıq İdman Arbitraj Məhkəməsi (CAS) FİFA-nın “Bayer”in türk yarımmüdafiəçisinə verdiyi 4 aylıq futboldan uzaqlaşdırılma cəzasını təsdiqləyib. Məlumat Leverkuzen klubunun rəsmi saytında da əksini tapıb.
Bu müddətdə heç bir rəsmi matça çıxmayacaq Çalhanoğlu eyni zamanda 100 min avro xərcə düşəcək. Pul təzminat şəklində “Trabzonspor”a ödəniləcək.