davam.az - BÜTÖV AZƏRBAYCAN ADINA! > Xəbərlər, DAVAMın yazıları > Çar zabitinin ermənilər haqqında məktubu - Onların qaranlıq keçmişləri var və hərbi anlamda heç bir dəyəri yoxdur
Çar zabitinin ermənilər haqqında məktubu - Onların qaranlıq keçmişləri var və hərbi anlamda heç bir dəyəri yoxdur |
|
Əlini hara atırsan müxtəlif millətlərin istər mülki, istərsə də hərbi nümayəndələrinin ermənilər haqqında xoş olmayan fikirlərinə rast gəlir və oxuyuruq. Hər yanda bu millətin nümayəndələrinin ən aşağılıq hərəkətlərinin şahidi oluruq. Bütün bunları Azərbaycan insanları daha yaxşı bilir. Çünki həm keçən əsrin əvvəllərində, həm də sonlarında ermənilərin hər cür üzünü bu xalq görüb və onların xislətinə yaxşı bələddir...
Rast gəldiyimiz arxiv materialları içərisində ermənilərin törətdikləri vəhşiliklər və hərəkətləri ilə bağlı çox sayda sənəd var. Belə sənədlərdən biri də türkiyəli araşdırmaçı Mehmet Perincəyin Rusiya dövlət arxivlərindən üzə çıxardığı sənədlərdir. Bu materiallar xüsusi maraq doğurur. Çünki burada hər şey əlahəzrət faktlara söykənir. Həmin sənədlərdən biri 1915-ci ildə Çar Rusiyasının Baş Qərargah rəisi adından M.Belyayev tərəfindən Xarici İşlər Nazirinin müavini Neratova yazılıb. Enter.News həmin məktubu təqdim edir: “Cənab Anatoli Anatoliyeviç (Neratov) Bolqarıstanda olan Türkiyə ermənilərindən ibarət könüllülərin Qafqaza göndərilməsi ilə bağlı olaraq 5 (18) oktyabr tarixli 1162 nömrəli məktubla şəxsinizə bildirirəm ki, Qafqaz Ordusu komandanı müəyyənləşdirilən ermənilərin Rusiyaya girməsini müsbət qarşılayır. Ancaq bir məsələ var ki, onların hamısı Daşnaksütun üzvləridir. Şübhəsiz ki, onlar qaranlıq keçmişə sahibdirlər. Bundan başqa həm də onların hərbi anlamda heç bir dəyəri yoxdur. Çünki onlar olmayanda Bolqarıstan ordusu heç bir şey itirməmişdir. Əksinə olaraq, bu ermənilər döyüşdən qaçan, fərarilik edən, başqalarına zərər verib siyasi oyunbazlıq etməklə, adıçəkilən orduya da təsir edəcəklər. Ancaq onların bu ordu sıralarında olmaları Balkan yarımadasında, xüsusən də Bolqarıstanda xüsusi xidmət işinin təşkilini asanlaşdıracaqdır. General Yudençin fikirinə qatılır və haqlarında qeyd edilən ermənilərin Rusiya sərhədlərini keçmələrinə icazə verilməməsini təklif edirəm. Məktub No. 8158 22/9 ekim 1915 M.Belyayev.” Təqdim etdi: Rəşad Sahil Geri dön |