Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Xocalı soyqırımının ildönümü ilə bağlı daha bir etiraz aksiyası Ermənistanın BMT-dəki daimi nümayəndəliyi qarşısında keçirilib
davam.az - BÜTÖV AZƏRBAYCAN ADINA! > Gündəm, Diaspor > Xocalı soyqırımının ildönümü ilə bağlı daha bir etiraz aksiyası Ermənistanın BMT-dəki daimi nümayəndəliyi qarşısında keçirilib

Xocalı soyqırımının ildönümü ilə bağlı daha bir etiraz aksiyası Ermənistanın BMT-dəki daimi nümayəndəliyi qarşısında keçirilib


Amerika Birləşmiş Ştatlarının Nyu-York şəhərində fəaliyyət göstərən Azərbaycan diaspor təşkilatları fevralın 24-də Xocalı soyqırımının 25-ci ildönümü ilə əlaqədar Ermənistanın BMT-dəki daimi nümayəndəliyi və BMT-nin baş qərargahı qarşısında etiraz aksiyası keçiriblər.

Nyu-York Azərbaycan-Amerika Qadın Cəmiyyəti və Azərbaycan Nyu-York Assosiasiyasının birgə təşkil etdiyi aksiyada Azərbaycan həqiqətlərinin əks olunduğu plakatlar, şəkillər nümayiş etdirilib, şüarlar səslənib və Xocalı soyqırımı haqqında ətraflı məlumatın əks olunduğu vərəqələr yerli əhaliyə paylanılıb.

Fevralın 25-də isə Nyu-York Azərbaycan Evində Xocalı soyqırımı qurbanlarının xatirəsi anılacaq. Tədbirdə Azərbaycanın BMT-dəki daimi nümayəndəliyinin rəhbəri səfir Yaşar Əliyevin, nümayəndəliyin əməkdaşlarının, Azərbaycanın ABŞ-dakı səfirliyinin təmsilçilərinin, Nyu-Yorkda fəaliyyət göstərən müxtəlif icmaların rəhbərlərinin iştirakı gözlənilir.
Geri dön