davam.az - BÜTÖV AZƏRBAYCAN ADINA! > Gündəm, DAVAMın yazıları > Hacı Zeynallabdinin rus zabitinə CAVABI
Hacı Zeynallabdinin rus zabitinə CAVABI |
|
Yadımdadır, hələ çox-çox bundan qabaq bu əhvalatı mənə atam danışmışdı: “Bakı milyonçusu Hacı Zeynalabiddin Tağıyev rus– sovet qoşunlarının Bakını işğalından sonra həmin qoşunları təmin etməyə məcbur edilir. Dünyanın istisini-soyuğunu, ağını-qarasını görən bu müdrik ağsqqqal ilə gözlərindən qan daman səlahiyyətli rus komissarı üz-üzə dayanır. Hacı dilənir:
– Sizin əsgərlərin illik təminatını üzərimə götürürəm. Əsgərlərin bir ildə olacaq bütün yemək-içməyini, papağından-şalvarınacan bütün geyimini verəcəyəm. Yalnız çəkmələrini verməyəcəyəm! Hacının bu qəribə şərtini eşidən komissarın dişləri ağarır: – Hacı, bütün geyim-kecimlərini verəcəyin halda niyə məhz çəkmələrini verməkdən imtina edirsən? Qəribə deyilmi? Hacı tənəli-tənəli gülümsünür: – Əsgərlərin çəkmələrini də mən versəm, onda ordu gərək sizə yox, mənə qulluq eləsinlər. Ağıllı Hacının müdrik kəlamlarına bu gün işıq düşür və bu kəlamların işığında məyus-məyus başını yelləyən Hacını görürük. Allah, əsl millət atası olan Hacı Zeynalabdinə də, onu yaddaşdan-yaddaşa ötürüb unudulmağa qoymayanlara da min rəhmət eləsin! ATİF İslam oğlu İSLAMZADƏ Filologiya üzrə fəlsəfə doktoru e-mail: atif.islamzade@mail.ru Geri dön |