davam.az - BÜTÖV AZƏRBAYCAN ADINA! > Gündəm > 19 seçki dairəsi və 104 bələdiyyə üzrə namizəd irəli sürülməyib
19 seçki dairəsi və 104 bələdiyyə üzrə namizəd irəli sürülməyib |
|
Noyabrın 30-da bələdiyyələrə təkrar, əlavə və yeni seçkilərdə iştirak etmək üçün 67 seçki dairəsi və 226 bələdiyyə üzrə 861 nəfərin namizədliyi təsdiqlənib. Bu barədə Mərkəzi Seçki Komissiyasından (MSK) məlumat verilib. Namizədliyi təsdiqlənənlərdən 743 nəfəri imza vərəqələrini götürüb.
Bələdiyyə üzvlüyünə namizədlərin irəli sürülməsi prosesinə sentyabrın 30-dan başlanıb. Bələdiyyə üzvlüyünə namizədliyini 21 yaşı tamam olmuş, müvafiq bələdiyyənin ərazisində yaşayan Azərbaycan Respublikasının vətəndaşları, həmçinin seçicilərin təşəbbüs qrupları, siyasi partiyalar, siyasi partiyaların blokları irəli sürə bilər. Seçki 86 seçki dairəsi və 330 bələdiyyə üzrə 464 yerə keçiriləcək. Bələdiyyə üzvlüyünə namizədlərin irəli sürülməsi prosesinə start verilməsindən keçən 13 gün ərzində hələ də 19 seçki dairəsi və 104 bələdiyyə üzrə bir nəfər də olsun namizəd irəli sürülməyib. Qeyd edək ki, Azərbaycanda sonuncu bələdiyyə seçkisi 2009-cu il dekabrın 23-də keçirilib. Geri dön |