davam.az - BÜTÖV AZƏRBAYCAN ADINA! > Türk dünyası-Turan > Quzey Kıbrısda Azərbaycanın Mədəniyyət Gecəsi
Quzey Kıbrısda Azərbaycanın Mədəniyyət Gecəsi |
|
Gecə də tanınmış muğam ifaçısı Bəsti Sevdiyeva solo-konsertlə çıxış edəcək.
Aprelin 25-i Şimali Kiprdə yerləşən və burada yeganə dövlət universiteti olan Doğu Akdeniz universitetində Azərbaycanın Mədəniyyət gecəsi təşkil olunacaq. Universitetdən verilən məlumata görə, enyni adlı universitetin Azərbaycan Cəmiyyətinin təşkilatçılığı ilə keçirilən gecənin məqsədi Azərbaycan mədəniyyətini Şimali Kipr vətəndaşlarının və adıçəkilən universitetdə təhsil alan çoxsaylı xarici tələbələrin nəzərinə daha doğlun şəkildə çatdırmaq və milli-mədəniyyətimizi onlar arasında təbliq etməkdir.Gecədə respublikamızın əməkdar artisi, muğamlarımızın və xalq mahnılarımızın bənzərsiz mahir ifaçısı Bəsti Sevdiyeva solo-konsertlə çıxış edəcək.“Bu yaxında Beynəlxalq Muğam Mərkəzində möhtəşəm solo-konsertim baş tutdu. Hər şey gözlədiyim kimi oldu. Bu konsertimdən sonra Şimali Kiprin Doğu Akdeniz Universitetində təhsil alan azərbaycanlı tələbələr tərəfindən adıçəkilən universitetdə təşkil olunan Azərbaycanın Mədəniyyət gecəsində solo-konsertlə çıxış etməyə dəvət aldım. Xüsusi ilə, gecədə xarici qonaqların olacağını eşitmək məni çox sevindirdi. Tələbələrimizin gözünü yolda qoymamaq, onlarla birgə ölkəmizin mədəniyyətini dünya ictimaiyyətinin nəzərinə daha dolğun şəkildə çatdırmaq, həmvətənlərimin yanında olmaq və onlara dəstək olmaq məqsədi ilə bu təklifdən yan keçə bilməzdim. Bilirəm ki, onlar üçün xaricdə Vətəndən, validyenlərdən uzaq da yaşamaq və təhsil almaq çox çətindir. Amma buna baxmayaraq onlar ictimai işlərlə də məşğul olur, vətənlərini layiqincə təmsil etmək üçün əllərindən gələni edirlər. Bu da azərbaycanlı gənclərimizin gücüdür. Fürsətdən istifadə edib, gecənin təşkilatçısı olan Doğu Akdeniz Universiteti Azərbaycan Cəmiyyətinə, onun rəhbərliyinə və mənim ora gəlməmin əsas səbəbkarı olan həmin cəmiyyətin üzvü Cəfər Mənsimiyə öz təşəkkürümü bildirirəm. Düşünürəm ki, belə vətənpərvər gənclərimiz bütün dünya gənclərinə örnəkdir. Əminəm ki, gənclərimizlə birgə Şimali Kipr tarixində unudulmaz bir iz buraxacaq, gecədə iştirak edən hər bir xarici qonağa, biz azərbaycanlıların nəyə qadir olduqlarını göstərəcəyik. Yaşasın xalqım!” deyə sənətkar bildirib.Gecə də Azərbaycanın mədəniyyəti ilə bağlı tanıtım filmi nümayiş olunacaq, azərbaycanlı tələbələrin ifasında milli-rəqslərimiz göstəriləcək və Azərbaycanla bağlı şeirlər səsləndiriləcək.Doğu Akdeniz Universitetinin rektoru, professor Abdullah Öztopraq və həmin universitetin Azərbaycan Cəmiyyətinin prezidenti Elçin Süleymanov çıxış edəcək.Qeyd edək ki, gecəyə Şimali Kiprin dövlət başçısı, millət vəkilləri, nazirlər və buranın QHT-i və KİV-i dəvət olunub.Sonda məlumat üçün bildirək ki, Şimali Kiprdə Azərbaycan Mədəniyyəti gecəsinin reallaşmasında Doğu Akdeniz Universiteti Azərbaycan Cəmiyyətinin prezidenti Elçin Süleymanovun və həmin cəmiyyətin üzvlərinin, xüsusi ilə Orxan Ərnağızadə, Tofiq Hüseynov və Cəfər Mənsiminin böyük rolu var. Geri dön |