davam.az - BÜTÖV AZƏRBAYCAN ADINA! > Gündəm > Azərbaycan ATƏT PA-da Dağlıq Qarabağla bağlı sənəd qəbul olunmasına çalışır
Azərbaycan ATƏT PA-da Dağlıq Qarabağla bağlı sənəd qəbul olunmasına çalışır |
|
Azərbaycan ATƏT Parlament Assambleyasında (PA) Dağlıq Qarabağla bağlı sənəd qəbul olunmasına çalışır.
Bu barədə Milli Məclis sədrinin müavini Bahar Muradova ATƏT-in PA-nın payız sessiyasının yekunlarına həsr olunan mətbuat konfransında bildirib. B. Muradova deyib ki, ATƏT PA-dakı Azərbaycan nümayəndə heyəti Ermənistan-Azərbaycan münaqişəsi ilə bağlı aparılan müzakirələrdə aktiv iştirak edir: “Qurumda təmsil olunan digər ölkələrin parlamentarları tərəfindən də Azərbaycanın mövqeyi konstruktiv qəbul olunur”. MM sədrinin müavini rəsmi Bakının Dağlıq Qarabağa Azərbaycanın ərazi bütövlü çərçivəsində ən yüksək status verməyə hazır olduğunu da qeyd edib. Bununla bağlı Azərbaycan Konstitusiyasına dəyişiklik edilib-edilməyəcəyi barədə suala cavabında isə B. Muradova bildirib ki, Azərbaycan unitar dövlətdir, ona görə də Konstitusiyaya dəyişiklik etmək niyyətində deyil: “Azərbaycan Dağlıq Qarabağın beynəlxalq hüququn subyekti olaraq danışıqlar prosesinə qatılmasına razılıq verə bilməz. Lakin Dağlıq Qarabağdakı Azərbaycan vətəndaşı olan erməni icması ilə müxtəlif danışıqların aparılması, icmalar arasında birgə təhlükəsizlik etimadının təmin olunması, regional idarəetmə ilə bağlı danışıqlar aparıla bilər”. Geri dön |