davam.az - BÜTÖV AZƏRBAYCAN ADINA! > Çap səhifəsi > Monqol Elində ölüm hökmü ləğv edilib

Monqol Elində ölüm hökmü və işgəncənin verilməməsi haqqında qərar qüvvəyə minib.
Bununla Monqol Eli ölüm hökmü ləğv edilən və işgəncələrin tətbiqi qadağan olunan 105-ci dövlət olub.
Ölkə parlamenti 2015-ci il dekabrın 3-də bu barədə qərar qəbul edib. Bu qərar iyulun 1-dən qüvvəyə minib.
Məlumata görə, ölkədə sonuncu dəfə ölüm hökmü 2008-ci ildə icra olunub. 2010-cu ildən isə bununla bağlı moratorium tətbiq edilib.
Ümumiyyətlə, son 5 ildə Benin, Konqo, Fici, Latviya, Madaqaskar, Nauru və Surinam da oxşar addım atıb. Qvineya isə adi cinayətlərə görə ölüm hökmünü ləğv edib.
Qeyd edək ki, Azərbaycanda ölüm hökmü 1998-ci il fevralın 10-da ləğv olunub. Azərbaycan Avropa Şurasına üzv olmadan əvvəl ölüm cəzasını ləğv edərək, barələrində belə hökm çıxarılmış insanların cəzasını ömürlük həbslə əvəzləyib. ABŞ-ın bir sıra ştatlarında və Avropa Şurasına üzvü olan bir sıra dövlətlərdə hələ də ölüm cəzası qüvvədə qalır.