Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Türkiyə Mərmərə Vəqfi: Ermənistan ordusunun mülki insanları qətlə yetirməsi insanlıq əleyhinə cinayətdir
davam.az - BÜTÖV AZƏRBAYCAN ADINA! > Gündəm, Diaspor > Türkiyə Mərmərə Vəqfi: Ermənistan ordusunun mülki insanları qətlə yetirməsi insanlıq əleyhinə cinayətdir

Türkiyə Mərmərə Vəqfi: Ermənistan ordusunun mülki insanları qətlə yetirməsi insanlıq əleyhinə cinayətdir


Türkiyənin Mərmərə Qrupu Strateji və Sosial Araşdırmalar Vəqfi Ermənistan silahlı qüvvələrinin iyulun 4-də Azərbaycanın Füzuli rayonunun Alxanlı kəndinin sakinləri 2 yaşlı Zəhra Quliyevanı və nənəsi Sahibə Quliyevanı vəhşicəsinə qətlə yetirməsi ilə bağlı etiraz bəyanatı yayıb.

Bu barədə Diasporla İş üzrə Dövlət Komitəsindən məlumat verilib.

“Ermənistan ordusunun mülki insanları qətlə yetirməsi insanlıq əleyhinə cinayətdir” sərlövhəsi ilə ölkə KİV-lərinə yayılan bəyanatda qeyd olunur:

“Ermənistanın təcavüzkar ordusunun Azərbaycanın dinc sakinlərini qətlə yetirməsi və mülki obyektlərinin dağıdılması ilk dəfə deyil. Bütün türk dünyası bu cinayəti unutmamalıdır”.

Xatırladaq ki, iyulun 4-də axşam saatlarında erməni silahlı birləşmələri Füzuli rayonunun Alxanlı kəndini minaatanlardan atəşə tutub. Təxribat nəticəsində Alxanlı kənd sakinləri - 1966-cı il təvəllüdlü Quliyeva Sahibə İdris qızı və onun nəvəsi 2016-cı il təvəllüdlü Quliyeva Zəhra Elnur qızı həlak olub, 1965-ci il təvəllüdlü Quliyeva Sərvinaz İltifat qızı isə ağır yaralanıb.

Geri dön