davam.az - BÜTÖV AZƏRBAYCAN ADINA! > Sosial > Azərbaycan gələn il mənzil-kommunal təsərrüfatına büdcə xərclərini artıracaq
Azərbaycan gələn il mənzil-kommunal təsərrüfatına büdcə xərclərini artıracaq |
|
Gələn il Azərbaycanın dövlət büdcəsindən mənzil və kommunal təsərrüfatı xərcləri üçün 344,5 mln. manat və ya 2011-ci ilə nisbətən 27,2 mln. manat və yaxud 8,6% çox vəsaitin ayrılması nəzərdə tutulub.
Bu barədə Azərbaycan Maliyyə Nazirliyinin dərc etdiyi «Azərbaycanın 2012-ci ilin dövlət və icmal büdcələrinin layihələri»nin təqdimatında bildirilir. Təqdimatda qeyd olunub ki, bu xərclər üçün ayrılan vəsaitin ümumi büdcə xərclərinin strukturunda xüsusi çəkisi 2%-ə çatacaq. Mənzil-kommunal təsərrüfatının zərərinin ödənilməsinə, şəhər və rayon mərkəzlərində mənzil fondunun əsaslı təmirinə və abadlaşdırılmasına, yolların təmirinə və işıqlandırılması üçün 186,3 mln. manat vəsait nəzərdə tutulub. Eyni zamanda, yaşayış məntəqələrinə aid olan kommunal təyinatlı infrastrukturun bərpa və yenidən qurulması, kommunal xidmətlər üzrə yeni tariflərin tətbiqi və bir sıra digər tədbirlər üçün mərkəzləşdirilmiş qaydada 106,1 mln. manat vəsait nəzərdə alınıb. «Ölkə ərazisində istilik sistemi üzrə yaranan zərərin ödənilməsinə, istilik sistemi və su təchizatı obyektlərinin istismarına və təmirinə 31,6 mln. manat məbləğində vəsait proqnozlaşdırılıb», - deyə təqdimatda bildirilir. Bundan əlavə, dənizkənarı bulvarın, Dövlət Bayrağı Meydanının, «İçərişəhər» Dövlət Tarixi-Memarlıq Qoruğunun, qaçqın və məcburi köçkünlər üçün salınmış qəsəbələrin saxlanılmasına və abadlaşdırılmasına, magistral yolların yaşıllaşdırılmasına, Balaxanı poliqonunda məişət tullantılarının utilizasiyasına 20,5 mln. manat vəsaitin ayırlması nəzərdə tutulub. Geri dön |