Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > İstanbulda narkotik maddələr istehsal edən iranlılara məxsus iki laboratoriya aşkarlanıb
davam.az - BÜTÖV AZƏRBAYCAN ADINA! > Güney Azərbaycan xəbərləri, Hüquq > İstanbulda narkotik maddələr istehsal edən iranlılara məxsus iki laboratoriya aşkarlanıb

İstanbulda narkotik maddələr istehsal edən iranlılara məxsus iki laboratoriya aşkarlanıb


Türkiyənin İstanbul şəhərində gizli fəaliyyət göstərən iki laboratoriyada, müxtəlif narkotik maddələrin istehsalı ilə məşğul iranlılara məxsus banda üzvləri yaxalanıb. Bu barədə Türkiyənin narkotik maddələrə qarşı mübarizə aparan polisi avqustun 21-də məlumat yayıb.

Türkiyənin Milliyyət qəzetinin yaydığı xəbərə əsasən, polis qüvvələrinin İstanbulun “Əlibəy köy” və “Bəyoğlu” məhəllələrində keçirdiyi əməliyyatlarda gizli şəkildə narkotik maddələr istehsal edən, İran vətəndaşlarına məxsus iki laboratoriya aşkarlanıb: “Əməliyyat nəticəsində 4 İran vətəndaşı və bu işdə onlara yardım edən 1 əfqanıstanlı və 7 xarici vətəndaş yaxalanıb. Əsasən “şişə” və “əsid” adlı narkotik maddələr istehsal edən hər iki laboratoriyada, onlarla kiloqram həcmində cürbəcür narkotik maddələr, eləcə də iki tapança aşkarlanaraq götürülüb”.

Polis bölməsinə aparılaraq dindirildiyi bildirilən banda üzvlərinin adları mediaya açıqlanmayıb.
Geri dön