davam.az - BÜTÖV AZƏRBAYCAN ADINA! > Güney Azərbaycan xəbərləri > İran rəsmisi:İranda Qızların 28% siqaret və sulu qəlyan istifadəçisidir
İran rəsmisi:İranda Qızların 28% siqaret və sulu qəlyan istifadəçisidir |
|
İranda tütün məhsullarından istifadəyə qarşı mübarizə qurumunun rəisi Məhəmmədrza Məscidi mayın 21-də jurnalistlərə açıqlamasında siqaret və sulu qəlyan çəkən qızların sayının artmasından danışıb.Məhəmmədrza Məscidi deyib ki, siqaret və sulu qəlyan çəkən qızların sayının gündən-günə artması cəmiyyətdə ciddi narahatlığa səbəb olub: “Bu gün fəaliyyətə başlayan hər bir çayxananın müştərilərinə təqdim etdiyi ilk şey sulu qəlyandır. Təəssüflər olsun ki, əsas vəzifəsi qəzet və mədəniyyətlə bağlı digər məhsulları satmaq olan qəzet köşklərimiz də siqaret, CD və digər qanunsuz şeylər satmaqla məşğuldur.
Yazıqlar olsun ki, ölkəmizdə bu gün siqaret çəkən yeniyetmələrimizin yaşı 11-ə enib. Ali təhsil ocaqlarına daxil olan qızlara gəlincə, onların 3 faizindən 4 faizə qədəri birinci kursda, 6 faizdən 8 faizə qədəri axır kurslarda siqaret çəkməyə başlayır. Həmçinin rəsmi statistikaya görə, ölkədə gənc qızların 28 faizi sulu qəlyan çəkir. Bu isə xoşagəlməz hadisədir”. Geri dön |