davam.az - BÜTÖV AZƏRBAYCAN ADINA! > Gündəm, Hüquq > Sokrat yenidən mühakimə olunub: filosof 2500 ildən sonra bəraət qazanıb
Sokrat yenidən mühakimə olunub: filosof 2500 ildən sonra bəraət qazanıb |
|
Afinada filosof Sokratın məhkəməsi keçirilib. Antik filosof ölümündən 2500 il sonra bəraət qazanıb. Bu barədə Rusiya KİV Fransa mətbuatına istinadən xəbər verib.
Bu dəfə məlum səbəblərdən Sokrat qədim dövrdə olduğu kimi şəxsən məhkəmədə iştirak edə bilməsə də onun yerinə doqquz vəkil və hüquq müdafiəçisi çıxış edib. Məhkəməyə Sokratın məşhur istehzası çıxardılıb, amma bu dəfə hökm başqa olub. Qeyd edək ki, Sokratın məhkəməsi eramızdan əvvəl 399-cu ildə keçirilib. Filosofu allahları tanımamaqda və gənclərin mənəviyyatını pozmaqda günahlandırırdılar. Sokrat özünü müstəqil müdafiə edərək, istehza edir və özünü edilənlərə görə mükafatlandırmağa çağırırdı. Məhkəmə onu Afinaya qarşı sui-qəsddə günahlandırır, ölüm cəzasına və ya əbədi sürgünə məhkum edir. Sokrat ölümü seçir, zəhər - su baldırğanı içərək tam şüurlu vəziyyətdə bir neçə dəqiqə sonra ölür. 2500 ildən sonra bu dəfə məhkəmə dinləmələrini Onassis Fondu təşkil edib. Sokratı Böyük Britaniyadan, Fransadan, ABŞ-dan, İsveçrədən və Yunanıstandan on məşhur hüquqşünas mühakimə edib. Məhkəmədə 866 tamaşaçı iştirak edib. Hakimlərin Sokrat dövründəki Afina qanunlarının ona bəraət qazandıra biləcəyi ilə bağlı fikirləri bərabər bölünüb. Tamaşaçılar arasında 584 nəfər filosofu günahsız, 282 nəfər günahkar hesab edib. Beləliklə də, Sokrat bəraət qazanıb. Geri dön |