davam.az - BÜTÖV AZƏRBAYCAN ADINA! > Sağlıq > Körpələrə qoyulan 4 səhv diaqnoz – Diqqətli olun!
Körpələrə qoyulan 4 səhv diaqnoz – Diqqətli olun! |
|
Uşaqlara qoyulan diaqnozlarla müraciət edən xəstələrin 99 %-nin tamamilə sağlam olduğunu müşahidə etmişəm. Bu səbəbdən, analara məsləhət görərdim ki, diqqətli olsunlar.
Bu barədə açıqama verən pediatr Altay Abdullaoğlu bildirib ki, ölkəmizdə körpələrə ən çox qoyulan 4 səhv diaqnoz var: “Azərbaycanda uşaqlara ən çox kəllədaxili təzyiq, timus, hipoksiya (oksigen catışmazlığı) və nevroloji uşaq diaqnozları qoyulur. Ölkəmizdə bu xəstəliklər səbəbiylə kurs müalicələr alan yetərli sayda körpə uşaq var. Azərbaycanda olduğum müddətdə mənə bu diaqnozla müraciət edən xəstələrin 99 %-nin tamamilə sağlam olduğunu müşahidə etmişəm. Çox vaxt körpələrdə olan bəzi normal əlamətlər xəstəlik olaraq qəbul edilir və buna uyğun olaraq kurs müalicələrə başlanılır. Bu əlamətlərdən ən çox rast gəldiyimiz körpələrin ağız ətrafında müşahidə olunan göyərmələr, ağlayanda çənənin əsməsi, gecələr səbəbsiz bir şəkildə ağlamaqlar, dilin bayıra çıxarılmasıdır”. Həkim bildirib ki, bu kimi əlamətlər xəstəlik əlaməti deyil və körpələrdə rast gəlinən normal, fizioloji haldır: “Əgər körpənin müayinəsində digər əlamətlər görünməzsə, bu əlamətlər müstəqil bir surətdə hər hansı bir xəstəliyin əlaməti hesab olunmur və tamamilə normal bir haldır. Bu əlamətlər zamanla öz-özünə keçib gedəcək. Ona görə hər kəsə uşaqlarına qarşı daha diqqətli olmaları və yersiz yerə körpələri kurs müalicələrə məruz qoymamalarını tövsiyyə edirik”. Geri dön |