davam.az - BÜTÖV AZƏRBAYCAN ADINA! > Hərb > HƏRB SƏHİFƏMİZDƏ
HƏRB SƏHİFƏMİZDƏ |
|
Azərbaycan Türklərinin şanlı hərb tarixi
“Hərb” səhifəmizdə ordumuzda olan yeniliklər, hərbi və hərblə bağlı tədbirlər, hərb tariximizlə bağlı məqalə və məlumatlar, eləcə hərbi xəbərlər dərc ediləcək. Birinci Qarabağ savaşında baş vermiş hadisələrlə bağlı faktlar və hekayələr səhifəmizdə yer alacaq. Avropada hərb anlayışı olmayanda nizami orduya malik olan Türk millətinin bir parçası olaraq Azərbaycan Türklərinin şanlı hərb tarixinin ən maraqlı məqamları və ən önəmli döyüşləri haqqında yazacağıq. “Hərb” səhifəmizdə dünyada hələ sərhəd anlayışı olmayanda türk dövlətlərində qurulmuş sərhəd xidmətləri barədə, kəşfiyyat anlayışı yoxkən yaradılmış kəşfiyyat sistemlərinin mahiyyəti və üsulları barədə maraqlı məlumatlar yer alacaq. Bu gün də NATO-da və bir çox güclü sayılan ordularda tətbiq edilən turk ordu sistemləri barədə geniş bilgilər veriləcək. Bizə məlum olan tariximizdən bu günəcən-ta eramızdan əvvəl mövcud olmuş dövlətlərimizin orduları, eləcə orta əsrlərdə mövcud olan imperiyalarımızın qüdrətli orduları və nəhayət Şərqin ilk demokratik cümhuriyyətinin şanlı döyüş yolu keçmiş-yaranışından 3 ay sonra torpaqlarını azad edə bilən milli ordumuza qədər hərb tariximizdən dolğun xəbərlər alacaqsınız. Dünyada hələ xəstəxana anlayışı belə yoxkən Türk ordusunda fəaliyyət göstərən hospitalların fəaliyyəti, dünyada hələ tədris anlayışı yoxkən hərbi ixtiraların inkişafı üçün hərdi akademiyaların mövcudluğundan xəbər tutacaqsınız. Hər sayımızda hərbi sənayemizin içtimaiyyət üçün açıq olan istehsallarından biri barədə məlumat veriləcək. Milli silahlarımızın üstünlükləri və xarakteristikasını açıqlayacağıq. Və ən əsası, şanlı hərb tariximizin ən parlaq nümayəndələrinin-Şəhidlərimiz, Milli qəhrəmanlarımız, generallarımız və sərkərdələrimizin həyatları barədə tanış olacaqsınız və hər nömrəmizdə doğum yaxud anım tarixlərinə təsadüf edilən şəhidlərimiz anılacaq. Geri dön |