davam.az - BÜTÖV AZƏRBAYCAN ADINA! > Xəbərlər, Türk dünyası-Turan > TÜRKSOY ilə Şimali Kiprdə fəaliyyət göstərən Doğu Akdəniz Universiteti arasında əməkdaşlıq protokolu imzalanıb
TÜRKSOY ilə Şimali Kiprdə fəaliyyət göstərən Doğu Akdəniz Universiteti arasında əməkdaşlıq protokolu imzalanıb |
|
Beynəlxalq Türk Mədəniyyəti Təşkilatı (TÜRKSOY) ilə Şimali Kiprdə fəaliyyət göstərən Doğu Akdəniz Universiteti arasında əməkdaşlıq protokolu imzalanıb.
Sənədi universitetin rektoru, professor Necdət Osam və TÜRKSOY-un baş katibi, professor Düsen Kaseinov imzalayıblar. Tərəflər imzalanan sənədin böyük səmərə verəcəyinə ümid bəslədiklərini söyləyiblər. Universitetdə keçirilən imzalanma mərasimində akademik Nizami Cəfərov və professor Cahangir Novruzov TÜRKSOY ilə türkdilli ölkələrdə fəaliyyət göstərən ali məktəblər arasında əlaqələrin perspektivlərindən danışıblar. Azərbaycanın Beynəlxalq Türk Mədəniyyəti Təşkilatındakı rəsmi təmsilçisi Elçin Qafarlı TÜRKSOY-un fəaliyyəti və nəşrləri, o cümlədən böyük Azərbaycan şairi Molla Pənah Vaqifin 300 illik yubileyinin keçirilməsi barədə Prezident İlham Əliyevin Sərəncamı əsasında həyata keçirilən tədbirlərin əhəmiyyəti, eləcə də TÜRKSOY-un 2017-cı ili “Molla Pənah Vaqif ili” elan etməsi və bu çərçivədə görülən işlər barədə məlumat verib. TÜRKSOY-un nəşrləri, eləcə də Molla Pənah Vaqifin bioqrafiyası və əsərləri universitetə hədiyyə olunub. Sabir Şahtaxtı Geri dön |