Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Hindistanda avtobusun çaya aşması nəticəsində azı 30 nəfər həlak olub
davam.az - BÜTÖV AZƏRBAYCAN ADINA! > Gündəm, Hadisə > Hindistanda avtobusun çaya aşması nəticəsində azı 30 nəfər həlak olub

Hindistanda avtobusun çaya aşması nəticəsində azı 30 nəfər həlak olub


Hindistanın şimalında avtobusun çaya aşması nəticəsində azı 30 nəfər həlak olub, 15 nəfər isə ciddi xəsarət alıb.

India Today telekanalının yaydığı məlumata görə, Racasthan ştatının Savay-Madhopur şəhərindən Lalsot yaşayış məntəqəsinə gedən avtobusun sürücüsü yüksək sürət səbəbindən idarəetməni itirib və avtobus körpüdən Banas çayına aşıb. Qəza zamanı avtobusda 50-yə yaxın insanın olduğu bildirilir.

Yol-nəqliyyat hadisəsi nəticəsində yaralanan insanlar yaxınlıqdakı xəstəxanalara çatdırılıb. Hazırda insidentin baş verdiyi ərazidə xilasetmə əməliyyatı aparılır.

Avtomobil yollarında sıxlıq, yol örtüyünün pis vəziyyətdə olması və sürücülərin intizamsızlığı Hindistanda ciddi yol-nəqliyyat hadisələri ilə müşayiət olunur. Rəsmi məlumata əsasən, hər gün qəzalar nəticəsində ölkədə 400 nəfərə qədər, il ərzində isə təxminən 150 min insan həyatını itirir.
Geri dön