davam.az - BÜTÖV AZƏRBAYCAN ADINA! > Xəbərlər, Türk dünyası-Turan > “Türk dünyasının coğrafiyası” kitabı çapa hazırlanır
“Türk dünyasının coğrafiyası” kitabı çapa hazırlanır |
|
Azərbaycan Milli Elmlər Akademiyasının (AMEA) akademik Həsən Əliyev adına Coğrafiya İnstitutunda “Türk dünyasının coğrafiyası” kitabının hazırlanmasına həsr olunmuş növbədənkənar iclas keçirilib.
İnstitutdan bildirilib ki, Türkiyə-Azərbaycan coğrafiya günlərində akademik Ramiz Məmmədovun bu kitabın hazırlanması təşəbbüsü türk alimləri tərəfindən böyük razılıqla qarşılanıb. AMEA-nın prezidenti, akademik Akif Əlizadə bu fikri dəstəkləyib və kitabın yazılmasına qərar verilib. Əsərin üç cilddən, səkkiz fəsildən, 13 bölmədən ibarət olması nəzərdə tutulur. Kitabda türk dünyasının coğrafi mövqeyi, tarixi-coğrafi mahiyyəti və təbii şəraiti barədə məlumat veriləcək. Nəşrdə türk dünyası ölkələrinin iqtisadiyyatında Xəzər dənizinin əhəmiyyətindən bəhs olunacaq. İclasda əsərin hər bir türk dövləti üçün vacibliyi qeyd edilib. Geri dön |