davam.az - BÜTÖV AZƏRBAYCAN ADINA! > Türk dünyası-Turan > Daşkənddəki Heydər Əliyev adına Mədəniyyət Mərkəzinin direktoru TÜRKSOY-un xüsusi medalı ilə təltif olunub
Daşkənddəki Heydər Əliyev adına Mədəniyyət Mərkəzinin direktoru TÜRKSOY-un xüsusi medalı ilə təltif olunub |
|
Özbəkistandakı səfirliyimizin nəzdindəki Heydər Əliyev adına Azərbaycan Mədəniyyət Mərkəzinin direktoru Samir Abbasov TÜRKSOY-un xüsusi medalı ilə təltif olunub. TÜRKSOY tərəfindən 2017-ci ilin Azərbaycanın böyük şairi Molla Pənah Vaqifin 300 illik yubileyi ilə əlaqədar "Molla Pənah Vaqif İli" elan olunması ilə əlaqədar təşkilat tərəfindən çoxsaylı tədbirlər və layihələr həyata keçirilib.
Həyata keçirilən layihələrdən biri kimi Molla Pənah Vaqifin "Seçilmiş əsərləri" dünya dillərində toplu halında çapı olunub. Topluda şeirlər 12 dildə - Azərbaycan, türk, özbək, qazax, qırğız, türkmən, başqırd, tatar, habelə ingilis, italyan, rus və Ukrayna dillərində verilib. Kitabda özbək dilində bölmənin hazırlanması, layihənin həyata keçirilməsində AMM-nin xüsusi dəstəyini nəzərə alan TÜRKSOY-un baş katibi Düsen Kaseinov Mədəniyyət Mərkəzinin direktoru S.Abbasovu bu mükafata layiq görüb. Qeyd edək ki, 2016-cı ildə TÜRKSOY-un layihəsi ilə "Bəxtiyar Vahabzadə türk dillərində" kitabının özbək dili versiyasının hazırlanmasına görə də S.Abbasova təşəkkür elan edilib Geri dön |