davam.az - BÜTÖV AZƏRBAYCAN ADINA! > Diaspor > Hakkı Kəskin:”Dağlıq Qarabağ münaqişənin həllində Rusiyanın mühüm rolu var”
Hakkı Kəskin:”Dağlıq Qarabağ münaqişənin həllində Rusiyanın mühüm rolu var” |
|
Bu gün Ermənistan işğal etdiyi Azərbaycan torpaqlarından geri çəkilmək məcburiyyətindədir.
Bu sözləri Almaniya Bundestaqının keçmiş deputatı, Almaniyada fəaliyyət göstərən Türk-Azərbaycan Birliyinin sədri, professor Hakkı Kəskin Dağlıq Qarabağ münaqişəsinin həlli ilə bağll fikrini şərh edərkən bildirib. “Bunun üzərində dayanmaq lazımdır. Bu məsələdə beynəlxalq təşkilatların qəbul etmiş qərarları var. Qəbul edilən qərarlar icra olunmalıdır. İndiki vəziyyətdə Qarabağ məsələsində Azərbaycanın mövqeyi düzgündür. Xüsusilə, düşünürəm ki, münaqişənin həlli yolu Azərbaycanın ərazi bütövlüyü çərçivəsində Qarabağa muxtariyyət statusu verməklə həll etmək olar”, deyə Hakkı Kəskin qeyd edib. Professor digər tərəfdən, kənar dövlətlərin məsələnin həllində roluna gəldikdə, münaqişənin həllində Rusiyanın mühüm rolu olduğunu qeyd edib. “Düşünürəm ki, eyni zamanda Türkiyə-Azərbaycan və hətta Almaniya Rusiyanın Qarabağ məsələsində siyasətinə təsir etməlidir. Ermənistana Rusiya dəstəyi olmasa, münaqişənin həlli mümkündür. O halda, münaqişənin həllini istəyiriksə, Ermənistana Rusiya tərəfindən verilən dəstəyin qarşısını dayandırmaq lazımdır”, deyə Hakkı Kəskin vurğulayıb. Elnur Eltürk Geri dön |